最近在看 "boundaries with teens", 講下青少年的世界, 講下要點樣畫一些界線去幫佢地, 書裡面提出了24個青少年常見的問題, 我就諗返以前阿嫲係點教我的, 融入書的意見, 寫了點看法及對策。有些我覺得唔係一個問題, 有些我覺得係問題的書中卻沒有列出, 例如講粗口。如果青年人有以下行為, 你會有何反應呢? (最近的日記都變了book report, 因為日日都係在度睇書, 無日常生活 )

學業問題
我以前唔使人叫都會自己去讀書, 但有些人是非不能也不為也。他們常常說:「早一個禮拜讀就得架了, 咁早讀咪仲易唔記得」「我份人係醒的, 不過唔鍾意讀書」「中規中矩咪得囉, 使咩咁叻」「我今次留手, 諗住下次拿進步奬」。以上皆戲言, 如果有能力又努力, 成績最後還是可以。但如果真係唔讀書的, 成日去玩的, 可能需要給佢地知道個後果, 唔讀書的後果。如果佢明白後果, 又承擔到個後果, 而又無心力再理佢, 就可以let it be。如果仲想幫佢, 或者可以同佢一齊set 個時間表讀書, 如果完成唔到就唔可以出街, 唔可以打機... 用多些外力去幫佢。

攻擊性行為
打交大晒? 如果你因為咁樣就可以打人, 係咪你唔交功課我又打你? 你駁咀我又打你? 

酗酒、嗑藥
我大學都有酗酒喎, 亦見過有中學生飲酒飲到食定野去除酒味, 若果發現一開始便應重罰, 再唔係話給學校老師聽。

愛爭辯
阿嫲成日都話我鍾意駁咀架喎, 爭辯的時候永遠都覺得自己係講梗道理。青年人開始發展理性思維嘛, 書的作者認為他們爭辯的目的不是為了所爭辯的, 而是為了自由。建議和他們討論不是所爭辯的事, 而是他們愛爭辯此行為。溝通不是一意孤行, 一定要贏的。

違約
我一向覺得信任是很難建立的, 我信你是慢慢觀察積聚的, 但若果你出賣我一次, 違約一次, 相信就此誠信破產, 慢慢重補信任又是很難的。若果青年人成日口輕輕話: 「得啦, 我聽日一定會交給你」, 咁樣最好停一停, 叫佢地諗清楚, 你係咪真係可以, 需唔需要給多些時間你, 如果你係真係得先好講... 而佢違約的後果可能就是失去別人對他的信任吧。我以前也會違約的, 因為覺得好多都係芝麻綠豆的事, 但係如果看成失信便事大了。

家務
不做家務? 阿爺話我唔做家務, 阿嫲會幫口話:「你驚佢第日無得做?」。但我又會一年有一兩次突然好神心咁執屋, 而且頗享受執自己間房。曾經聽過阿john話:「如果我d 野放左出廳, 阿媽會同我拋左佢, 佢已經給佢拋過幾本書」。這個方法真的一絕! 或許我們應要求青少年執自己的房間, 並且堅持不幫佢地執, 若果有東西放了出廳唔放好就幫佢拋左佢! 千萬不要給返佢!

衣著
衣著可以有很多問題, 可以是太性感, 可以是太陰沈, 可以是有些黑暗字句在tee上面... 衣著這些可以溝通為主, 唔好話:「唔給著得咁性感」、「買返多些唔係黑色的衫啦」... 著得性感是否認為這樣可以吸引到異性? 為何要靠身體來吸引? 點解成日著黑色? 我過來人的分享係, 成日著沈色只係因為易襯衫。

違反宵禁規定
有邊個青年未試過夜返屋企? 但我係好驚夜返的, 因為阿嫲講明你幾夜返, 我就等到你幾點先瞓。我夜返佢又會好唔開心的, 而且通常都要講定幾點返去, 如果夜左要諗個解釋都好煩。所以覺得阿嫲教得我好好, 哈哈。給左個自由我, 但亦令到我遲返會好有內疚的感覺... 書入面建議問下佢地去邊同邊個去, 跟住聯絡朋友的家長, 同其他家長一齊定同一個宵禁時間, 咁樣唔洗有人早返跟住自己一個流連。

自我傷害
我都試過, 但唔敢用界刀, 有時會好大力咁meet自己。傷害自己真係可以有好多原因的... 嬲自己, 唔開心, meet完舒服d... 我又曾經扯自己的頭髮, 因為好唔開心。最低限度唔好blame 佢地的行為, 去解開個心結, 點解唔開心的心結, 或者個心結係好難解的, 但都給無限的愛同關懷佢... 最直接是找社工, 其實我覺得社工的功用是給各成年人分擔責任, 多個人一齊問責咁解。

忤逆
「你無權管我」、「你無權叫我做咩」... 未懂事卻想要自由。若有青年人這樣說話, 我會跟他說:「你在我眼中是未懂事, 卻想要自由; 世界自古以來都是有權利便有義務, 自由是有代價的, 不是話要自由就鍾意做咩就做咩。」想像下都覺得好激心...
不健全地和家人疏離, 漠視父母、沈默
書的作者認為他們大多因為受外面的世界吸引, 盡量和他們安排一些家庭的時間, 利用那段時間多加溝通。

失敬
先尊敬孩子, 以愛心和他們設界線並嚴格執行。身教是最好的教育。

網路
上網睇咩, 睇幾耐, 幾時上網都應有限制。

金錢
管金錢這個必是rank去想的。他曾設想一些programme, 每個人也應慢慢學懂賺錢-儲錢-投資-奉獻。

情緒化
我自己也會情緒化, 有些時候會特別沮喪。書中一句說得很好, 我們在家中會特別沮喪, 因為那裡不用偽裝, 亦較會感受。家長不應不斷清除他們的負面情緒, 不斷的認為他們想法負面, 戲劇化...只需有同理心的聽, 並給一些客觀的意見。

朋友
曾經阿嫲話過我:「你自從識左呢班朋友之後, 就越來越無禮貌了」。其實我是百思不得其解, 我覺得我的朋友很好, 但她沒有見過佢地, 無認識過就憑空想像。或者家長就是要多參與, 多認識。

電話
是家長需要電話, 還是青年人需要電話? 我想家長較需要手提電話, 青年人只需要屋企電話。若果有青年人忘記了帶電話, 不知是家長較找狂還是青年人找狂? 或許成年人應放下一些... 那種控制和監視? 一個報平安的電話便可以。若果青年人煲電話粥, 那樣便又是要設界線, 點點點先可以講電話, 食梗飯唔聽得電話, 唔可以講得太耐...

性關係
我無呢個問題, 因為根深柢固覺得應該係婚後的事。但往往青少年在呢方面較「早熟」, 而佢地係知後果都照做, 係咪結果唔夠驚嚇? 定係落仔都easy job? 女仔點解要為左取悅男仔可以無底線? 男仔點解為左取悅自己唔顧及對方? 不是說甚麼道德也好, 為甚麼要給自己不是一百巴仙情願的情況下做? 是否對自己信心不足? 不做對方就會走嗎? 這樣留住對方又有意思嗎? 

之後去李潤田拿返張支票, 非迫不得已都唔想拿.. 只是.. 因我一個人未入票, 攪到人地新一期的支票入唔到.. 發覺多了三百大塊就算了.. 再去拿影印, 是給補習學生的東西... 一整天都是心軟腳軟聽著聖詩.. 其實心裡一直有很多不明白及不快.. 好像在回家的路程想到了很多東西. 首先.. 有天.. 去了基督教書室翻了一本教時間管理的書, 裡面提到一個老師, 為了好好的管理時間, 他只會在上堂前的兩個鐘備課, 那樣便增加了效率. 那一刻看了這句句子, 覺得好受用.. 但是突然間想起了這句, 加上在拿回影印途中, 覺得這句很反感.. 難導教書只是一份工作要講效率的? 如果在那兩個鐘之內備唔切咁點算? 照教了喎? 另外的是.. 發覺神在我在黃華湘期間.. 給了我一個好大好大的提示.. 之前一直懷疑自己是否適合做老師, 又會想該怎樣處理學生問題.. 懂不懂處理.. 暑期班那次, 隔離班的老師, 當有學生唔返學, 會打電話給佢地的家長, 在街見到學生又會捉住佢問上堂做咩唔返.. 但到最後一堂, 我那班的學生走了大半班得返唔知七個定九個人.. 但她的隔離班得返一個人.. 有時, 若果無左罰呢樣野, 學生仲會唔會係同一個樣.. 有時侯會好懷疑自己的人格同處理手法.. 看見其他TA 代堂, 他們會分享下話如果個學生咁咁咁, 佢地會點樣處理.. 好似有個學生問個阿SIR借M巾.. 咁佢地又會點講咁.. 每次諗到呢D.. 我都真係即刻唔知自己會點做點處理.. 但今天想起的.. 算是令自己多回點點信心, 覺得無問題, 而且這是一個自己喜歡的自己.. 只在意他們和教他們的.. 只在意長遠的.. 只在意入心的..

 回家開了MSN.. 多謝阿SU的關心.. 佢話好多人都問侯我.. 雖然不知是那些人.. 但這所學校的很多人我也很喜歡, 以前人地話, 出面D 學校老師的關係都係會好似李潤田咁, 間間都係咁複雜呀.. 咩咩咩咁.. 但這間我真的想像不到會有這樣的事.. 我覺得開心, 也温暖.. 希望這所學校不會令人失望..

把日記打好.. 又是要瞓了..

口號是 "let us help you save your weekends"

 體貼且有說服力的口號..  望著那個software很心動的.. haha..

聽　radio71《建橋的教師》後。。。

那些讀國際學校，名校的也是會field trip，是很貴的field trip，去的是巴基斯坦等遠地方，也是會關心當地的人。寶姨說得對，壞心點想，他們若果真的要體驗，香港也有很多貧窮人，也需要幫助，何須走到這麼遠。他們去得五天十天回來後，說得出不要著皮草，要有animal rights，在他們的cv上可以寫多點東西，他們日後又會當ceo，律師醫生，因為他們的父母都是這類有名望的專業人士。他們說得出因為別人很慘，所以我們要珍惜有的。

(閱讀全文)